Новата зграда на Кривичниот суд во Скопје – Il Palazzaccio
„И новиот Кривичен суд ќе биде изграден во антички стил, со високи бели столбови и широки скали. По Уставен суд и Обвинителството, кои како дел од проектот „Скопје 2014“ треба да добијат антички лик, и новата судска зграда е проектирана во ист стил. Министерот за правда Михајло Маневски не гледа ништо спорно тоа што новиот објект ќе отстапува од начинот на градба на целиот судски комплекс, кој е со современа градба.
„Не знам што се тоа антички градби. Секаде во светот судовите се монументални градби и репрезентативни објекти“, рече Маневски. Тој потврди дека иако на конкурсот имало и други идејни решенија, изборот на комисијата паднал токму на ова архитектонско решение. Проектната документација за скопскиот Кривичен суд е изработена од македонска и од италијанска фирма, (ИРД инженеринг од Италија, и Еуроконсалтинг од Македонија) добиено е одобрение за градење, а деновиве е објавен и меѓународен тендер за избор на најдобра понуда за изведувач.“ (Утрински)
За жал и новиот Кривичен суд во Скопје, наместо современ објект кој би одговорил на новите потреби на граѓаните и вработените, и кој меѓудругото би можел да го претставува градот на светските изложби за архитектура, ќе наликува на евтина имитација и карикатура на неокласицистичките градби од 18тиот и 19тиот век.
„Класицизмот и неокласицизмот (XIX век) се угледувале на античката грчка и римска архитектура. Тие најмногу се употребувале при градењето на општествени објекти, како и при задоволувањето на малограѓанскиот вкус и поим за достоинство и монументалност на објектите. Теоретичарите на класицизмот длабоко ја врежале мислата кај луѓето дека монументалноста на објектите може да се изрази единствено преку класицизмот и дека секоја друга монументалност е неразбирлива. Затоа класицизмот подоцна станал голема пречка за проширување на прогресивната архитектонска мисла. Еклектичните форми на класицизмот одговарале на идеологијата на европските империи кои главно со такви објекти ги оформиле центрите на своите престолнини и на поголемите градови, кои денес претставуваат дел од нивните историски јадра.“
Желбата на нарачателот, Скопје да заличи на Рим, ќе се оствари со изградбата на македонската Il Palazzaccio.
- седиштето на италијанскиот Врховен суд - Palazzo di Giustizia – (изградена помеѓу 1889 and 1910) во Рим, позната како Il Palazzaccio (Грдата палата)
The triumph of eclecticism was achieved in the design of a colossal building aimed at hosting all the different courts of justice. The aim of the government was to build a monumental palace which would compete with those of the past. The winner of the competition was architect Guglielmo Calderini. The site chosen at the end of a new street which started from Via del Corso, near Chiesa della SS. Trinità and across a new bridge, provided for the building a very fine perspective. It had however the disadvantage of being too close to the river and its marshy shore so that it took 22 years to complete it and the cost was enormous. The palace assembled elements of Renaissance and Neoclassicism styles with a rather Baroque excess of decoration and statues. Both for its destination and its appearance the Romans labelled it as il Palazzaccio (The ugly palace)
——————————————-
Овде може да погледнете некои одлични примери на судски згради – дела на реномирани светски архитекти и добитници на најпрестижната награда за архитектура – international Pritzker Architecture Prize >> Oscar Niemeyer, Zaha Hadid, Norman Foster, Richard Meier, Richard Rogers и други.
http://picasaweb.google.com/prvaarhibrigada/Vs#
прва архи бригада
12:32 am - 2-24-2010
Како што кажува мојот драг професор Тентов. Критичарите ја имаат најлесната работа, да критикуваат, но чуството да создадеш нешто е феноменално, а да критикуваш е друго. ЗАТОА НАПРАВЕТЕ НЕШТО ПА КРИТИКУВАЈТЕ НА ТОЈ НАЧИН ШТО ЌЕ УКАЖЕТЕ НА ПОДОБРИТЕ РАБОТИ НА ВАШИОТ ПРОЕКТ.
9:43 am - 2-24-2010
Само еден е Создавателот, а тоа не е Груевски,
критикувајте слободно и почесто.
9:46 am - 2-24-2010
„Овде може да погледнете некои одлични примери на судски згради – дела на реномирани светски архитекти и добитници на најпрестижната награда за архитектура – international Pritzker Architecture Prize >> Oscar Niemeyer, Zaha Hadid, Norman Foster, Richard Meier, Richard Rogers и други.“ …
Супер пример. Дајте ни сега некој ваков пример на македонските архитекти, особено од некој од вашите професори (оние што боцкаат де)! На пример од оној „Косто ти лажеш“… Би сакал да видам со што можат тие да се пофалат.
И би сакал, се разбира доколку можете, да ја објасните историјата на Бразилија како град – кога веќе вадите објекти од таму. Многу ме интересира зашто ви асоцира на Скопје.
3:00 pm - 2-25-2010
@ Фанатик , веројатно не си ја разбрал нашата порака. Она за што ние се бориме е слобода на креативната мисла и израз во архитектурата, транспарентни конкурси и стручни, а не партиски тела кои ќе одлучуваат за градбите во нашиот град. Во моментов креативната слобода е загрозена од невкусот кој го промовира одредена гарнитура на власт, а како врв на глупоста е распишаниот конкурс за изградба на катни гаражи во барокен стил (таков пример веројатно нема ни во Лас Вегас). Значи она што се случува во Скопје се нетранспарентни, нарачани конкурси на кои победуваат „неоантички“ градби, а модерните се дисквалификувани затоа што не одговараат на замислата на одредени политичари и неколку нивни другари- архитекти. Исклучок се конкурсите за новата Филхармонија, Драмскиот театар и театар Центар, каде не им беше ускратена слободата на архитектите. Резултатите од овие конкурси се современи градби, белег на нашето време и творечката способност која ја имаат македонските архитекти во 21виот век. Токму такви објекти ни се потребни за културен натпревар во светски рамки, а не триумфални кОпии, карикатури од неокласицизам и барок кои ќе служат за потсмев и кои наместо да го претстават Скопје како историски град (по замислата на нарачателот) ќе го претстават Скопје како европскиот Лас Вегас.
еве линкови до позитивните примери
http://www.build.com.mk/forum/forum_posts.asp?TID=130
http://www.build.com.mk/forum/forum_posts.asp?TID=603&PN=1
http://www.build.com.mk/forum/forum_posts.asp?TID=595
3:59 pm - 2-25-2010
@proksandar Тоа што еден од објектите во албумот е од Бразилија, не значи дека Скопје не’ асоцира на Бразилија, иако несомнено имаат допирни точки, ако се земе во предвид урбанистичкото планирање и обновата на Скопје после земјотресот. Можеби ако успешно се реализираа плановите по земјотресот, и Скопје ќе се најдеше на мапата на UNESCO World Heritage, веднаш до Бразилија.
The Criteria for Selection
To be included on the World Heritage List, sites must be of outstanding universal value and meet at least one out of ten selection criteria.
http://whc.unesco.org/en/criteria/
Brasilia, a capital created ex nihilo in the centre of the country in 1956, was a landmark in the history of town planning. Urban planner Lucio Costa and architect Oscar Niemeyer intended that every element – from the layout of the residential and administrative districts (often compared to the shape of a bird in flight) to the symmetry of the buildings themselves – should be in harmony with the city’s overall design. The official buildings, in particular, are innovative and imaginative.
http://whc.unesco.org/en/list/445/
—————–
линкови- примери од македонската современа архитектура има во претходниот коментар.
9:52 am - 2-26-2010
@PAB – ex nihilo = http://en.wikipedia.org/wiki/Ex_nihilo (The Latin phrase ex nihilo means “out of nothing”. It often appears in conjunction with the concept of creation, as in creatio ex nihilo, meaning “creation out of nothing” — chiefly in philosophical or theological contexts, but also occurs in other fields.)
Ако според вас Скопје после 1963 година е „ex nihilo“, тогаш се слагам. Но, Скопје колку што знам влече меморија уште од праисторијата, такашто… Нормално, тоа не значи дека треба да се градат земуници и слични „праисториски градби“ но, сепак, има одредена меморија која треба да се испочитува.
И пак би ве замолил, доколку можете, а сигурно имате некаде, проекти или реализирани градби на вашите професори или колеги (оние од http://proksandar.blog.mk/2010/02/06/hej-haj-brigade/) кои од различни побуди се противат на „Скопје 2014“. Не дека се сложувам со сè што е предложено во проектот и дека сè ми се допаѓа, но тоа е така. Никому не може сè да му се погоди. Оти од поставеното на претходниот пост забележав дека се и ова проекти кои условно можат да влезат во „Скопје 2014“ зашто произлегуваат од, ајде ако веќе сакате, истата политичка номенклатура.
Ако пак, имате некаков проблем со антиката, посетете го локалитетот Скупи, кој во Римската империја имал висок третман; потсетете се на неговата површина и градби, наоди и сл. и потоа осврнете се на, чинам, модерната на „ex nihilo“ Бразилија. Не би требало да ви е проблем, зашто е само на пар километри од центарот.
4:24 pm - 3-3-2010
@proksandar Пак не се разбравме околу споредбата со Бразилија. Значи сличноста не е во структурата на градовите или нивната архитектура и историска подлога, туку во меѓународниот интерес за урбанистичкото планирање на двата града- едниот подигнат од ништо, а другиот погоден од разорен земјотрес (секако имајќи го во предвид фактот дека во Скопје “…75% of the population were left homeless and the earthquake destroyed or severely damaged 80,7% of the total building area of the city…”
„…The rebuilding of Skopje is one of the most dramatic 20th century reconstruction effort…Immediate and long-term recovery of the city was facilitated initially with over $30 million financial aid, and resources from the federal government, the former Yugoslav republics, 82 other countries, as well as international organizations and agencies…The disaster in Skopje touched the compassion of the world that led to the United Nations (UN) declaration that Skopje would be rebuilt as a gesture of international solidarity…“
http://desastres.usac.edu.gt/documentos/pdf/eng/doc13793/doc13793-1.pdf
http://www.anglia.ac.uk/ruskin/en/home/faculties/alss/deps/law/staff0/home.Maincontent.0014.file.tmp/No7-Skopje.pdf
„Within a month of the earthquake the Yugoslav government (with UNESCO support) created an international consultative board, which met in 1964 at the Macedonian lake resort of Ohrid. As its chairman said, ‘the finest scientific and technical expertise of the entire world will be demonstrated in the reconstruction of Skopje’.“
„‘Never before had a town-planning exercise of such magnitude and complexity been conducted under the pressure of such desperately urgent social needs’ “
Исто така би сакале да те информираме дека ние како студенти на Архитектонски факултет, сме многу добро запознаени со праисторијата, Скупи и другите антички градови и населби во Македонија; византиските градби – црквите и манастирите, фреско сликарството, иконописот и декоративната пластика од 9ти до 14ти век, османлиската и христијанската архитектура и уметност од 15ти до крај на 18ти век и сакралната и профаната архитектура и уметност во 19тиот век, позната како преродбенски период. Имаме неколку предмети од областа на историјата (Историја на архитектура и уметност во Македонија, Историја на архитектура и уметност- Стар век, Среден век, Нов век и Современа архитектура и уметност). Освен теоретско изучување на историјата, имаме и вежби на терен (што подразбира посета на археолошките локалитети, сакралните или профаните објекти од особена историска важност) каде тула по тула ги премеруваме, документираме и исцртуваме архитектонските споменици од нашето културно наследство, а многу од нив (вклучително и Скупи) треба да знаеме да ги цртаме на памет за да го положиме испитот.
Познавањето и почитувањето на сопственото минато и култура не се покажува со изградба на копии од тоа минато (или како во случајот со Скопје 2014 со изградба на копии и од нечие друго минато), туку со едукација, зачувување и заштита на автентичните градби, создавање на нова архитектура, применувајќи ги техничките можности и материјали кои ни се достапни во 21виот век- белег на нашето време. А доколку станува збор за инспирација од минатото, тоа во никој случај не треба да подразбира директно пресликување на објектите, туку современа интерпретација на истите (како пример можат да послужат некои наши музичари кои се инспирираат од македонскиот етно мелос и успеваат преку современа интерпретација и електронски звуци да создадат нови вредности, кои во исто време се современи, светски, а сепак македонски)
Што се однесува до проекти од нашите професори, погледни ги линковите од претходниот коментар, а на форумов можеш да најдеш и други (како оној за Македонско-италјанскиот едукативен центар) http://www.build.com.mk/forum/forum_posts.asp?TID=180&PN=6
За жал од сите досегашни влади само актуелнава пројави интерес за изградба на поголеми капитални објекти, а можноста да направи нешто навистина вредно ја пропушти.
Сликите од твојот пост Хеј Хај Бригаде, се всушност слики од граѓанскиот протест кој го организираше неформалното здружение Плоштад Слобода, а не Прва архи бригада. На сите телевизии информацијата беше правилно пренесена, освен на А1, за што реагиравме па ја променија веста
http://www.a1.com.mk/vesti/default.aspx?VestID=119597
За нашите досегашни активности можеш да прочиташ тука
http://pab.blog.mk/2010/02/23/za_prva_arhi_brigada/